धाराशिव – जिल्ह्यातील आरोग्य सुविधेची परिस्थिती गंभीर असून, जिल्ह्यातील एमआरआय आणि सीटी स्कॅन मशीन दुसऱ्या जिल्ह्यात हलविण्याचा निर्णय सरकारने घेतला होता. यावर आमदार कैलास पाटील यांनी आरोग्यमंत्री प्रकाश आबिटकर यांना पत्र लिहून या निर्णयाला विरोध केला होता.

आमदार पाटील यांनी पत्राद्वारे म्हटले होते की, धाराशिव जिल्ह्यातील आरोग्य सुविधांची अवस्था अत्यंत दयनीय आहे, आणि अशा परिस्थितीत महत्त्वाच्या आरोग्य सुविधा दुसऱ्या जिल्ह्यात हलविणे जिल्ह्याच्या नागरिकांवर अन्याय होईल.

त्यांच्या या प्रयत्नांना यश आले असून, आरोग्यमंत्री प्रकाश आबिटकर यांनी निर्णय त्वरित रद्द केला आणि संबंधित मशीन धाराशिव जिल्ह्यात पूर्ववत सुरु ठेवण्याचे आदेश दिले. या निर्णयामुळे धाराशिव जिल्ह्यातील रुग्णांना आवश्यक असलेल्या आरोग्य सुविधांचा विस्कळीत होणारा परिणाम टळला आहे.

हे यश आमदार कैलास पाटील यांच्या प्रभावी वागणुकीचे आणि आपल्या मतदारसंघाच्या आरोग्य सुविधांसाठी केलेल्या मेहनतीचे प्रतीक आहे.