तुळजापूर – : श्री तुळजाभवानी मंदिर परिसरात तंबाखू व तंबाखूजन्य पदार्थ खाऊन थुंकल्याबाबत मंदिर संस्थान कडून मागील महिन्यात काही पुजाऱ्यांना कारवाईचा इशारा देऊन नोटीस देण्यात आल्या होत्या. या 8 पुजाऱ्यांवर मंदिर संस्थान कडून प्रवेशबंदीची कारवाई करण्यात आली आहे.
नोटीस बजावण्यात आलेल्या पुजाऱ्यांपैकी 6 जणांनी नोटिशीची दखल घेऊन आपला माफीनामा सादर केला होता. त्यांच्यावर 1 महिन्याची प्रवेशबंदी करण्यात आली आहे. त्यांची नावे पुढीलप्रमाणे :
खुलासा सादर केला (1 महिना बंदी) :

1. लखन रोहिदास भोसले
2. अक्षय किशोर कदम-भैय्ये
3. विशाल हनुमंत चव्हाण
4. धीरज राजू चोपदार
5. वैभव खुशालराव भोसले
6. राहुल हनुमंत पवार

याशिवाय 2 जणांनी नोटिशीला कोणतेही उत्तर न दिल्याने त्यांच्यावर 3 महिने प्रवेशबंदी ची कारवाई करण्यात आली आहे. त्यांची नावे पुढीलप्रमाणे :
कोणताही खुलासा सादर केला नाही (3 महिने बंदी) :

1. विशाल दादासाहेब मगर
2. विशाल बाळासाहेब गंगणे

संबंधित पुजाऱ्यांना अशोभनीय व मंदिराचे शिस्तीस बाधा आणणारे तसेच कायदा व सुव्यवस्थेस अडथळा निर्माण करणारे वर्तन करण्यास जबाबदार ठरवण्यात आले आहे. ही कारवाई देऊळ कवायत कायदा 1909 कलम 24 व 25 नुसार करण्यात आलेली आहे.