धाराशिव  – रस्ता सुरक्षा अभियानांतर्गत धाराशिव महामार्ग हद्दीमधील धाराशिव साखर कारखाना व एस पी शुगर कारखाना कारखान्यास ऊस वाहतूक करणाऱ्या वाहनचालकांची वाहतूक नियमांबाबत जनजागृती करण्यासह वाहनांना सुरक्षेसाठी रिफ्लेक्टर दि.१८ जानेवारी रोजी बसविण्यात आले.
रस्ता सुरक्षा अभियान दि.१ ते ३१ जानेवारी २०२५ अंतर्गत महाराष्ट्र राज्य अपर पोलीस महासंचालक (वाहतूक) यांच्या मार्गदर्शनाखाली व महामार्ग सुरक्षा पथक छत्रपती संभाजीनगर विभागाच्या पोलीस अधीक्षक व पोलीस उपाधीक्षक यांच्या सुचनेनुसार महामार्ग पोलीस केंद्र धाराशिव हद्दीमधील धाराशिव सहकारी साखर कारखाना व एस.पी. शुगर ऍण्ड ऍग्रो प्रायव्हेट लिमिटेड येथे ऊस वाहतूक करणारे ट्रॅक्टर, बैलगाडी व ट्रक चालक यांना रस्ता सुरक्षा अभियान अंतर्गत रस्ते वाहतुकीच्या नियमाबाबत जनजागृती करून ऊस वाहतूक करणाऱ्या वाहनांवर रेडियम व रिफ्लेक्टर लावण्यात आले. या कार्यक्रमानिमित्त दोन्ही कारखान्यांचे अधिकारी व त्यांच्या कर्मचाऱ्यांसह धाराशिव येथील महामार्ग पोलीस केंद्राचे प्रभारी अधिकारी निशिकांत शिंदे व पोहवा खराडे, वाडकर, तोडकर, फंड, कलशेट्टी, दहीहंडे व बारकुल आदी उपस्थित होते.