भूम (प्रतिनिधी) – जातो माघारी पंढरीनाथा,तुझे दर्शन झाले आता. या अभंगांच्या भावार्थानुसार पंढरीचे दर्शन घेऊन परतीचा प्रवास करीत असलेल्या श्री. क्षेत्र शेगाव जिल्हा बुलढाणा येथील संत श्रेष्ठ श्री.गजानन महाराज पालखीचे भूम येथून शेगांव कडे मार्गस्थ होत असताना गजानन महाराज पालखीच्या वारकऱ्यांसाठी चहा व अल्प उपहाराचा ( वडापाव) वाटप कार्यक्रम गजानन महाराजांचे भक्त भूम आगाराचे बसस्थानक प्रमुख मा.श्रीकांत सुरवसे साहेब, नेहरू युवा केंद्र कार्यालयाचे रवि सुरवसे तसेच चि.श्रेयस सुरवसे, रियांश सुरवसे यांचे परिवाराच्या वतीने वाटप करण्यात आले. सदरील कार्यक्रमास भूम आगाराचे अधिकारी/कर्मचारी यांनी वाटप करण्यास मोलाचे सहकार्य केले. या प्रसंगी मुकेश भगत पाटील, सचिन चौधरी, सतीश कुंभार, हेमंत देशमुख, तेलंग साहेब,भरत कानडे, वैजीनाथ चौरे,राहूल क्षीरसागर, गणेश गिरी, विशाल चांडगे, अशोक बोत्रे महाराज, मनगिरे सर, सस्तुरे साहेब, उपरे साहेब यावेळी उपस्थित होते.