तुळजापूर : भारतीय स्टेट बँक यांच्या सीएसआर उपक्रमांतर्गत अंदाजे २५ लाख रुपये किमतीचे तीन एल ए डी स्क्रीन श्री तुळजाभवानी मंदिर संस्थान, तुळजापूर येथे देणगी स्वरूपात प्रदान करण्यात आल्या.
या एलएडी स्क्रीनद्वारे भाविकांना देवीजींचे सुलभपणे दर्शन घेता येण्यास मदत होणार असून मंदिर परिसरातील भाविकांना माहिती व सूचना अधिक सुलभपणे उपलब्ध होणार आहेत. भविष्यातही भाविकांच्या सुविधेसाठी आवश्यक असा सीएसआर उपक्रम राबविण्याचा मानस यावेळी व्यक्त करण्यात आला.या कार्यक्रमास बँकेचे CGM नंदकिशोर सिंह, GM अनिरुद्ध कुमार चौधरी, DGM . Y. V. S. S. नागेश्वरराव तसेच डॉ.पद्माकर चांदणे (SBI तुळजापूर शाखा व्यवस्थापक) उपस्थित होते. यावेळी श्री तुळजाभवानी मंदिर संस्थानतर्फे तहसीलदार तथा व्यवस्थापक (प्रशासन) माया माने यांनी मान्यवरांचा सन्मान केला.
प्रसंगी मंदिर लेखाधिकारी संतोष भेंकी, लेखापाल तेजस कराळे तसेच मंदिर संस्थानचे अधिकारी व कर्मचारी उपस्थित होते.