प्रशांत शशिकांत मतेंबार्शी नगर परिषदेकडील डास फवारणीसाठी वापरला जाणारा महिंद्रा कंपनीचा ट्रॅक्टर चोरीला गेला असल्याची घटना उघडकीस आली आहे. फिर्यादी रोहित बापू लंगडे यांनी दिलेल्या माहितीनुसार, हा ट्रॅक्टर गाडेगाव रोडवरील चांदणी फिल्टर येथे लावण्यात आला होता.
दि. ९ जानेवारी रोजी दुपारी २.३० वाजेपर्यंत ट्रॅक्टरने फवारणी करून वाहन चालक रूपेश लोंढे याने ट्रॅक्टर ठरलेल्या ठिकाणी लावला होता. मात्र, दि. १० जानेवारी रोजी सकाळी ७ वाजता तेथे ट्रॅक्टर न दिसल्याने चोरीचा संशय बळावला. या घटनेची तातडीने नगरपरिषद कर्मचाऱ्यांसह तपासणी केली असता, ट्रॅक्टर कोणालाही पाठविण्यात आला नसल्याचे स्पष्ट झाले. याप्रकरणी रोहित लंगडे यांनी अज्ञात व्यक्तीविरुद्ध बार्शी पोलीस ठाण्यात तक्रार दाखल केली आहे.
गेल्या काही महिन्यात बार्शी नगर पालीकेच्या साहित्यांची चोरीच्या प्रमाणात वाढ झाली असून दि २२ ते २४ जूनच्या दरम्यानही चांदनी फिल्टर येथे लावण्यात आलेल्या नगरपालिकेच्या टिप्परच्या बॅटरीची चोरी झाली होती. यानंतर आता चक्क येथे लावण्यात आलेल्या ट्रॅक्टरवरच चोरटयांने डल्ला मारल्याने नगर परिषद साहित्याच्या सुरक्षेचा विषय ऐरणीवर आला आहे.
