धाराशिव : धाराशिव येथील कालकथीत मेजर दशरथ गजधने यांच्या स्मृतिदिनानिमित्त दरवर्षीप्रमाणे याही वर्षी अन्नपूर्णा सामाजिक संस्थेच्या माध्यमातून शासकीय रुग्णालयासमोरील रुग्णांच्या नातेवाईकांना अन्नदान करण्यात आले.कालकथीत मेजर दशरथ गजधने हे काँग्रेस शहर कार्याध्यक्ष संजय गजधने यांचे वडील होते. त्यांच्या स्मृतिदिनानिमित्त गजधने परिवाराच्या वतीने हा अन्नदान उपक्रम राबविण्यात आला.शासकीय रुग्णालयासमोर अन्नपूर्णा सामाजिक संस्थेच्या वतीने दररोज आपापल्या नातेवाइकांच्या वतीने विविध क्षेत्रांतील मान्यवरांच्या

वाढदिवस, स्मृतिदिन,सण, उत्सव तसेच अन्य विशेष दिवसांच्या निमित्ताने रुग्णांच्या नातेवाईकांना अन्नदान केले जाते. या उपक्रमातून गरजू नागरिकांना आधार देण्याचे कार्य अन्नपूर्णा संस्थेच्या वतीने सातत्याने सुरू आहे.यावेळी काँग्रेस शहर कार्याध्यक्ष संजय गजधने,काँग्रेस शहराध्यक्ष धनंजय राऊत, सुरक्षा समिती शासकीय वैद्यकीय महाविद्यालय व रुग्णालय धाराशिवचे सदस्य अब्दुल लतीफ,गणेश वाघमारे,बलभीम कांबळे, रमेश पाटील, अनुरथ गजधने,तसेच अन्नपूर्णा सामाजिक संस्थेचे अतुल अजमेरा, हरीश सारडा,श्री सारडा यांच्यासह इतर मान्यवर उपस्थित होते.