धाराशिव : हरित धाराशिव अभियानात पर्यटन विकास समिती, फुले शाहू आंबेडकर उद्यान कृती समिती, मतदार जनजागरण समिती आणि राजर्षी शाहू बहुउद्देशीय सेवाभावी संस्था सहभागी झाल्या,धाराशिव जिल्ह्यात एकाच वेळी दहा लाख वृक्षलागवड करण्याच्या उपक्रमांतर्गत हा

कार्यक्रम घेण्यात आला. या कार्यक्रमात जिल्हाधिकारी डॉ.किर्ती किरण पुजार व अभिनेते तथा पर्यावरणप्रेमी सयाजी शिंदे यांच्यासोबत समितीच्या पदाधिकाऱ्यांनी चर्चा केली.यावेळी सामाजिक कार्यकर्ते तथा फुले शाहू आंबेडकर उद्यान कृती समितीचे अध्यक्ष गणेश रानबा वाघमारे यांनी जिल्हाधिकारी डॉ. किर्ती किरण पुजार यांच्या पर्यावरण

संवर्धन व सामाजिक कार्याचे सयाजी शिंदे यांच्याजवळ कौतुक केले. धाराशिव जिल्ह्यात पर्यावरण संवर्धनासाठी प्रशासनाच्या माध्यमातून राबविण्यात येणारे उपक्रम कौतुकास्पद असल्याचे त्यांनी सांगितले.धाराशिव जिल्ह्यात एकाच वेळी दहा लाख वृक्षलागवडीचा उपक्रम राबवून पर्यावरण संवर्धनाची मोठी जनचळवळ उभी करण्याचा प्रयत्न करण्यात येत आहे.हरित धाराशिव अभियानाची ग्रिनीज बुक ऑफ वर्ल्ड रेकॉर्डमध्ये नोंद होणार,वृक्षारोपणासोबतच लागवड केलेल्या वृक्षांचे संगोपन व संवर्धन करण्यावरही भर देण्यात येणार असल्याचे यावेळी सांगण्यात आले.यावेळी पर्यटन विकास समितीचे अध्यक्ष युवराज नळे,प्रा.अभिमान हंगरगेकर, गणेश वाघमारे,संजय गजधने, प्रविण जगताप,बलभीम कांबळे,रमेश पाटील,उज्वला शिंदे,ज्योती राजेनिंबाळकर यांच्यासह विविध संस्था,जिल्हा प्रशासन,नागरिक पदाधिकारी व कार्यकर्ते उपस्थित होते.