तुळजापूर – सातारा जिल्ह्यातील खटाव येथील राजकुमार आनंदराव देशमुख यांनी आज श्री आई तुळजाभवानी देवींच्या चरणी एक लाख रुपयांची देणगी अर्पण केली.

राजकुमार आनंदराव देशमुख हे आपल्या पत्नी गोदावरी देशमुख यांच्यासमवेत श्री तुळजाभवानी देवींच्या दर्शनासाठी आले होते. देवीचे दर्शन घेतल्यानंतर त्यांनी श्री तुळजाभवानी देवींच्या चरणी एक लाख रुपयांची देणगी अर्पण केली.

यावेळी श्री तुळजाभवानी मंदिर संस्थानच्या वतीने राजकुमार देशमुख व गोदावरी देशमुख या दांपत्यांचा श्री तुळजाभवानी देवींची प्रतिमा आणि महावस्त्र भेट देऊन सपत्नीक सन्मान करण्यात आला.

या प्रसंगी श्री तुळजाभवानी मंदिर संस्थानचे जनसंपर्क अधिकारी अभिजीत तेरखेडकर, रविराज गायकवाड तसेच मंदिर संस्थानचे कर्मचारी उपस्थित होते.