तुळजापूर : पुणे जिल्ह्यातील गणेश नगर, सोरपटवाडी येथील मनिषा अंकुश धामे यांनी आई श्री तुळजाभवानी मंदिर येथे दर्शन घेत ५१.८४० ग्रॅम वजनाचे सोन्याचे मंगळसूत्र अर्पण करून आपली श्रद्धा व्यक्त केली.
मनिषा धामे या आज सहकुटुंब तुळजापूर येथे आल्या होत्या. त्यांनी विधीपूर्वक देवीचे दर्शन घेतल्यानंतर मंगळसूत्र अर्पण केले. या प्रसंगी मंदिर परिसरात भाविकांची उपस्थिती मोठ्या प्रमाणावर दिसून आली.
या वेळी धार्मिक विभागाचे विकास वाणी, महेश गंजे तसेच मंदिर संस्थानचे कर्मचारी उपस्थित होते.
मंदिरात दररोज विविध भाविकांकडून देणग्या अर्पण केल्या जात असून, धामे कुटुंबीयांच्या या अर्पणामुळे पुन्हा एकदा भाविकांची आई तुळजाभवानीवरील अढळ श्रद्धा अधोरेखित झाली आहे.