धाराशिव :- दरवर्षी प्रमाणे याही वर्षी विश्वरत्न डॉ बाबासाहेब आंबेडकर यांच्या १३५ व्या व महात्मा ज्योतिबा फुले यांच्या १९९ व्या जयंतीनिमित्त आयोजित फुले शाहू आंबेडकर उद्यान कृती समितीच्या वतीने महामानवाचा महा जयंती महोत्सव सन २०२६ साजरा करण्यात येत आहे,या महोत्सवात प्रहार संघटना व फुले शाहू आंबेडकर उद्यान कृती समिती धाराशिवच्या वतीने दि.१३ एप्रिल रोजी दिव्यांग बांधवासाठी शासकीय योजनांचा माहिती मेळावा आयोजित केला असुन या मेळाव्यात विस शासकीय कार्यालयाचा सहभाग आहे तर यात आरोग्य शिबीराचे देखील नियोजन केले आहे,या मेळाव्याचे उद्घाटन उपाध्यक्ष मित्र संस्था तथा तुळजापूर आमदार मा.राणाजगजितसिंहजी पाटील,जिल्हाधिकारी डॉ किर्तीजी किरण पुजार साहेब,एसपी रितुजी खोखर,नगर परिषद मुख्याधिकारी निता अंधारे, तहसिलदार मृणाल जाधव सह इतर मान्यवर यांच्या उपस्थितीत होणार आहे,तरी आपण सर्वांनी दि.13 एप्रिल रोजी सकाळी ठिक १०:३० वाजता विश्वरत्न डॉ बाबासाहेब आंबेडकर यांच्या पुतळ्या शेजारील फुले शाहू आंबेडकर उद्यान कृती समितीच्या नियोजित जागेत उपस्थित राहुन शासकीय योजनांचा माहिती मेळाव्याचा लाभ घ्यावा असे आवाहन समितीचे अध्यक्ष गणेश वाघमारे व सदस्य मयूर काकडे यांनी केले आहे.