धाराशिव : विश्वरत्न डॉ. बाबासाहेब आंबेडकर व महात्मा ज्योतिबा फुले यांच्या जयंती महोत्सवाच्या पार्श्वभूमीवर फुले-शाहू-आंबेडकर उद्यान कृती समितीच्या नियोजित जागेत नगर परिषदेकडून स्वच्छता अभियान राबविण्यात आले.आज दि.7 तारखेपासून समितीच्या वतीने चालणा-या विविध सामाजिक उपक्रमास सुरुवात झाली असुन आकर्षक देखाव्याच्या कामास सुरुवात झाली तर दि.11 एप्रिल रोजी महात्मा फुले यांच्या जयंतीनिमित्त अभिवादन कार्यक्रम, देखाव्याचे उद्घाटन,नारी सन्मान असे नियोजन असुन दि.12,13,14 तारखेला इतर सामाजिक कार्यक्रम मोठ्या उत्साहाने साजरा करण्यात येणार आहेत अशी माहिती संस्थेचे अध्यक्ष गणेश रानबा वाघमारे यांनी दिली,स्वच्छता अभियान वेळी फुले शाहू आंबेडकर उद्यान कृती समितीचे अध्यक्ष गणेश वाघमारे,सचिव प्रवीण जगताप उपाध्यक्ष संजय गजधने, मार्गदर्शक सदस्य बलभीम कांबळे संपतराव शिंदे,स्वराज जानराव,अतुल लष्करे,बाबासाहेब गुळीग, सचिन चौधरी,विशाल सरवदे,तर नगर परिषदचे स्वच्छता निरीक्षक सह डुकरे, नितीन बनसोडे, महिला व फुले शाहू आंबेडकर उद्यान कृती समितीचे सदस्य उपस्थित होते.