मुंबई : अश्विनी भिडे यांची बृहन्मुंबई महानगरपालिका (BMC) च्या आयुक्तपदी नियुक्ती झाल्याने प्रशासन क्षेत्रात एक महत्त्वपूर्ण पाऊल पडले आहे. या नियुक्तीमुळे त्या मुंबईच्या पहिल्या महिला आयुक्त ठरल्या असून विविध स्तरांतून त्यांच्यावर अभिनंदनाचा वर्षाव होत आहे.
मुख्यमंत्री देवेंद्र फडणवीस यांच्या नेतृत्वाखाली राबविण्यात आलेल्या मेट्रो प्रकल्पांमध्ये अश्विनी भिडे यांनी अत्यंत मोलाची भूमिका बजावली होती. विशेषतः मुंबई शहरातील पायाभूत सुविधांच्या विकासाला गती देण्यात त्यांच्या कार्याची नोंद घेण्यात आली आहे.
अश्विनी भिडे यांना प्रशासनाचा प्रदीर्घ अनुभव असून शहराच्या गरजांची सखोल जाण त्यांना आहे. त्यांच्या नेतृत्वात मुंबईचा सर्वांगीण विकास साध्य होईल, असा विश्वास व्यक्त केला जात आहे. त्यांची नियुक्ती ही मुंबईच्या विकासाला ‘ग्रीन सिग्नल’ मानली जात असून भविष्यातील प्रकल्पांना नवे बळ मिळणार आहे.
शहराच्या वाढत्या गरजांनुसार सक्षम, पारदर्शक आणि गतिमान प्रशासन उभारण्याची जबाबदारी आता त्यांच्या खांद्यावर आहे. त्यांच्या मार्गदर्शनाखाली ‘विकसित मुंबई’चा संकल्प निश्चितच साकार होईल, असा आशावाद व्यक्त केला जात आहे.
अश्विनी भिडे यांना त्यांच्या पुढील वाटचालीस हार्दिक शुभेच्छा!