मुंबई :- माजी मुख्यमंत्री आणि शिवसेना (ठाकरे गट) प्रमुख उद्धव ठाकरे यांच्या ‘मातोश्री’ निवासस्थानाबाहेर अज्ञात ड्रोन फिरताना दिसल्याने खळबळ उडाली आहे.

ठाकरे गटाचा आरोप आहे की, या ड्रोनच्या माध्यमातून “मातोश्रीवर नजर ठेवण्याचा प्रयत्न” करण्यात येत आहे.

दरम्यान, एम.एम.आर.डी.ए. (M.M.R.D.A.) ने या घटनेवर स्पष्टीकरण दिलं आहे. त्यांच्या म्हणण्यानुसार,

“हा ड्रोन पॉडटॅक्सी प्रकल्पाच्या सर्वेक्षणाचा भाग होता आणि यासाठी मुंबई पोलिसांची आवश्यक परवानगी घेण्यात आली होती.”

मात्र, हे स्पष्टीकरण आदित्य ठाकरे यांनी फेटाळले असून त्यांनी स्पष्ट शब्दांत विचारलं —

“जर परवानगी होती, तर मातोश्रीजवळ का? घरांमध्ये डोकावून सर्वेक्षण करायचं का?”

सध्या उद्धव ठाकरे मराठवाड्याच्या दौऱ्यावर आहेत. मातोश्री व एम.एम.आर.डी.ए. कार्यालयादरम्यान असलेल्या रस्त्यावर हा ड्रोन दिसला. सुरक्षारक्षकांनी तातडीने त्याचा व्हिडिओ शूट करून सोशल मीडियावर शेअर केला, आणि काही वेळातच तो व्हायरल झाला.

या घटनेनंतर मातोश्री परिसरातील सुरक्षा आणखी कडक करण्यात आली आहे.