माणुसकीचे दर्शन! अपघातग्रस्त दाम्पत्याच्या मदतीला धावले जिल्हाधिकारी कीर्ती किरण पूजार

Spread the love

शासकीय वाहनातून रुग्णालयात केले दाखल; उपचार सुरू होईपर्यंत जिल्हाधिकारी आणि मुख्य कार्यकारी अधिकारी रुग्णालयात थांबले

धाराशिव -: उमरग्याहून धाराशिवकडे परत येत असताना जिल्हाधिकारी कीर्ती किरण पूजार यांनी तुळजापूर-लातूर महामार्गावरील काक्रंबा येथे अपघातग्रस्त झालेल्या दाम्पत्याला तातडीने मदत करून माणुसकीचे दर्शन घडवले. सुनील बेंद्रे आणि त्यांच्या पत्नी पद्मावती बेंद्रे यांचा अपघात झाल्याचे निदर्शनास येताच जिल्हाधिकारी कीर्ती किरण पूजार यांनी आपले शासकीय वाहन थांबवून त्यांची आस्थेने विचारपूस केली.

अपघाताची गंभीरता लक्षात घेऊन त्यांनी क्षणाचाही विलंब न करता दोघांनाही आपल्या शासकीय वाहनातून सास्तूर येथील स्पर्श ग्रामीण रुग्णालयात उपचारासाठी दाखल केले. विशेष म्हणजे, अपघातग्रस्तांवर उपचार सुरू होईपर्यंत जिल्हाधिकारी कीर्ती किरण पूजार आणि जिल्हा परिषदेच्या मुख्य कार्यकारी अधिकारी प्रियंवदा म्हाडदळकर हे दोघेही रुग्णालयात उपस्थित राहिले.

प्रशासकीय कामकाजाच्या धावपळीतही रस्त्यावर संकटात सापडलेल्या नागरिकांच्या मदतीसाठी तत्परतेने धावून जाण्याची ही कृती प्रशासनातील संवेदनशीलतेचे दर्शन

घडवणारी ठरली. पदापेक्षा माणुसकी मोठी असल्याचा संदेश या घटनेतून जिल्हाधिकारी कीर्ती किरण पूजार आणि मुख्य कार्यकारी अधिकारी म्हाडदळकर यांनी दिला आहे.

  • Related Posts

    धाराशिव जिल्ह्यात भगवान बिरसा मुंडा यांचे भव्य स्मारक उभारणार!

    Spread the love

    Spread the loveशहरातील एका चौकाला नाव देण्याची आमदार राणाजगजितसिंह पाटील यांची घोषणा; पुढील पिढ्यांसाठी क्रांतिकारी विचारांचा वारसा जपणार आदिवासी, वंचित आणि शोषित समाजाच्या हक्कांसाठी संघर्ष करणारे महामानव भगवान बिरसा मुंडा…

    दुष्काळी परिस्थितीत चारा व्यवस्थापनाचे पशुपालकांना मार्गदर्शन; मुरघास निर्मितीचे दिले तांत्रिक धडे!

    Spread the love

    Spread the loveवाशी येथे पशुधन व्यवस्थापन व दुधोत्पादन पदविका विद्यालयाच्या वतीने विशेष मार्गदर्शन कार्यक्रमाचे आयोजन धाराशिव (प्रतिनिधी) : आगामी काळातील संभाव्य दुष्काळी परिस्थिती लक्षात घेऊन पशुपालकांना चारा व्यवस्थापनाचे योग्य नियोजन…

    Leave a Reply

    Your email address will not be published. Required fields are marked *