धाराशिव : दुष्काळग्रस्त शेतकरी बांधवांची दिवाळी आनंदात साजरी व्हावी, या उद्देशाने धाराशिव जिल्ह्याचे पालकमंत्री प्रताप सरनाईक यांच्या वतीने ‘आनंदाचा शिधा’ वाटप उपक्रमाचे आयोजन करण्यात आले आहे.

मंगळवार, ३ नोव्हेंबर रोजी सकाळी ९ वाजता धाराशिव येथील बायपास रोडवरील श्री गणेश मंगल कार्यालयात हा कार्यक्रम पार पडणार आहे.

दुष्काळाच्या संकटाचा सामना करणाऱ्या शेतकरी कुटुंबांच्या दिवाळीत आनंदाची भर पडावी, या सामाजिक भावनेतून हा उपक्रम राबविण्यात येत आहे.

या उपक्रमाचा लाभ घेण्यासाठी दुष्काळग्रस्त शेतकरी बांधवांनी मोठ्या संख्येने उपस्थित राहावे, असे आवाहन शिवसेनेचे धाराशिव लोकसभा सह-संपर्कप्रमुख सुरज राजाभाऊ साळुंके यांनी केले आहे.