धाराशिव -: धाराशिव शहरातील आयुर्वेदिक कॉलेज उड्डाणपुलावर फॉर्च्यूनर चारचाकी वाहन डिव्हायडरला धडकून भीषण अपघात झाला. या अपघातात एक जण ठार झाला असून चार जण गंभीर जखमी झाले आहेत.

अपघातग्रस्त वाहनातील प्रवासी वाशी तालुक्यातील तेरखेडा गावचे रहिवासी असल्याची माहिती आहे. वाहनाचा वेग जास्त असल्याने चालकाचे नियंत्रण सुटून गाडी थेट डिव्हायडरवर आदळल्याची प्राथमिक माहिती समोर आली आहे.
जखमींना उपचारासाठी रुग्णालयात दाखल करण्यात आले असून पोलिसांनी घटनास्थळी पंचनामा करून पुढील तपास सुरू केला आहे.