मे. सिद्धीविनायक एन्टरप्रायजेस या पुणे महानगरपालिकेस कंत्राटी कामगार सेवा पुरविणाऱ्या संस्थेकडील कंत्राटी कामगार कै. निवांत दशरथ अवसरे यांचे त्यांचे गावी जात असताना अपघात होऊन निधन झाले. सदर कामगारास वैयक्तिक अपघात विम्याचे सुरक्षा कवच असल्याने पुणे महानगरपालिका व ठेकेदार संस्था यांच्या प्रयत्नाने त्यांचे पात्र वारसासाठी विमा क्लेम मान्य करून घेण्यात आला. दि.२१/०१/२०२६ रोजी, सदर दिवंगत कामगाराच्या वारस, दिवंगत कामगाराची पत्नी श्रीमती साक्षी निवांत अवसरे यांना र.रु.१० लक्ष विम्याचा धनादेश मा. पवनीत कौर (भा.प्र.से.), अतिरिक्त महापालिका आयुक्त (ज.) यांचे हस्ते देण्यात आला. यावेळी मा. मुख्य कामगार अधिकारी श्री.नितीन केंजळे, मा. उप कामगार अधिकारी श्री.बुगप्पा कोळी, ठेकेदार संस्थेचे प्रोप्रायटर मा. श्री. दादासाहेब झेंडे तसेच दिवंगत कामगाराची पत्नी मा. श्रीमती साक्षी निवांत अवसरे व वडील उपस्थित होते.