धाराशिव,-: वाशी तालुक्यातील तेरखेडा येथे असलेल्या एका फटाका कारखान्यात आज स्फोट झाल्याची दुर्घटना घडली. या स्फोटात सहा जण जखमी झाले असून, त्यापैकी एकाची प्रकृती गंभीर असल्याची माहिती मिळत आहे.

स्फोटाचे नेमके कारण अद्याप स्पष्ट झालेले नाही. मात्र, प्रथमिक माहितीनुसार फटाक्यांच्या साठ्यात अचानक विस्फोट झाल्याने हा अपघात घडल्याचा अंदाज वर्तवला जात आहे. स्थानिक प्रशासन आणि पोलिसांनी तातडीने घटनास्थळी धाव घेतली.

जखमींना तातडीने प्राथमिक रुग्णालयात दाखल करण्यात आले होते तेथुन जिल्हा रुग्णालयात ( वैद्यकीय महाविद्याल ) रुग्णालयात दाखल करण्यात आले असून, गंभीर जखमीवर विशेष उपचार सुरू आहेत. दरम्यान, या दुर्घटनेनंतर परिसरात घबराट पसरली आहे. तेरखेडा परिसरामध्ये वारंवार अशा घडत असताना देखील प्रशासनाकडून कोणताही प्रकारच्या उपाययोजना राबवल्या जात नाहीत. अशी प्रतिक्रिया नागरिकांनी दिली आहे