तुळजापुर – श्रृंगेरी शारदा पीठाचे शंकराचार्य जगद्गुरू शंकराचार्य श्री श्री विधुशेखर भारती महास्वामीजी यांनी आज श्री क्षेत्र तुळजापूर येथे महाराष्ट्राची कुलस्वामिनी आई श्री तुळजाभवानी देवींचे दर्शन घेऊन देवींची आरती केली.

यानंतर जिल्हाधिकारी तथा श्री तुळजाभवानी मंदिर संस्थानचे अध्यक्ष किर्ती किरण पुजार यांनी शंकराचार्य श्री श्री विधुशेखर भारती महास्वामीजी यांची पाद्य पूजा केली. तसेच श्री तुळजाभवानी देवींची प्रतिमा, कवड्याची माळ, शाल व महावस्त्र भेट देत श्री तुळजाभवानी मंदिर संस्थानच्या वतीने त्यांचा यथोचित सन्मान केला. श्रृंगेरी शारदा पीठ हे आद्य शंकराचार्यांनी स्थापन केलेल्या चार प्रमुख पीठांपैकी पहिले ‘दक्षिणाम्नाय पीठ’ मानले जाते.

यावेळी जिल्हा परिषदेच्या अध्यक्षा अर्चनाताई पाटील, जिल्हा परिषदेच्या मुख्य कार्यकारी अधिकारी प्रियंवदा महाडदळकर, नगराध्यक्ष तथा विश्वस्त विनोद गंगणे, तहसीलदार तथा विश्वस्त अरविंद बोळंगे, तहसीलदार तथा व्यवस्थापक (प्रशासन) माया माने, पुरातत्व विभागाच्या सहायक संचालक जया वाहणे, वास्तुविशारद तेजस्विनी आफळे, सहायक व्यवस्थापक (सामान्य) जयसिंग पाटील, सहायक व्यवस्थापक (प्रशासन) नागेश शितोळे, सहायक व्यवस्थापक (धार्मिक) अनुप ढमाले, रामेश्वर वाले, महंत तुकोजीबुवा, महंत वाकोजीबुवा, सरकारी उपाध्ये बंडोपंत पाठक, नागेशशास्त्री अंबुलगे, पुजारी मंडळाचे अध्यक्ष अमरराजे कदम, विपिन शिंदे, अनंत कोंडो यांच्यासह पुजारी तसेच मंदिर संस्थानचे अधिकारी व कर्मचारी उपस्थित होते.