विद्यार्थ्यांनी मोठ्या संख्येने सहभागी होण्याचे आवाहन
आळणी, ता. जि. धाराशिव :

स्व. शंकरराव रंगनाथ फुगारे (साळुंके) सर यांच्या स्मरणार्थ आयोजित

आळणी ग्रामस्थ व फुगारे परिवाराच्या वतीने ‘आळणी मिनी मॅरेथॉन स्पर्धा २०२६’*चे आयोजन करण्यात आले आहे. यंदा या स्पर्धेचे दुसरे यशस्वी वर्ष असून, विद्यार्थ्यांमध्ये क्रीडाविषयक आवड निर्माण करणे, शारीरिक तंदुरुस्ती व आरोग्याविषयी जागरूकता वाढविणे हा स्पर्धेचा मुख्य उद्देश आहे.
ही स्पर्धा रविवार, दि. १६ ऑगस्ट २०२६ रोजी सकाळी ६ वाजता सुरू होणार आहे. स्पर्धेचा प्रारंभ आळणी अंतर्गत रस्त्यावरून होणार असून, अंतिम ठिकाण ग्रामपंचायत कार्यालय, आळणी येथे राहणार आहे. विजेत्यांना सकाळी ९ वाजता ग्रामपंचायत कार्यालय येथे बक्षीस वितरण करण्यात येणार आहे.
स्पर्धेसाठी विद्यार्थ्यांचे तीन गट करण्यात आले आहेत.
गट क्र. १ : इयत्ता २ री ते ४ थी,
गट क्र. २ : इयत्ता ५ वी ते ७ वी,
गट क्र. ३ : इयत्ता ८ वी ते १० वी.
प्रत्येक गटामध्ये मुलांचे तीन व मुलींचे तीन विजेते निवडण्यात येणार असून, विजेत्यांना मेडल, ट्रॉफी व आकर्षक बक्षिसे व सहभाग प्रमाणपत्र देण्यात येणार आहेत. स्पर्धेत सहभागी होणाऱ्या सर्व विद्यार्थ्यांसाठी प्राथमिक उपचार व पाण्याची सोय करण्यात येणार आहे.

भारताच्या ८० व्या स्वातंत्र्यदिनाच्या निमित्ताने आयोजित करण्यात आलेल्या या क्रीडा उपक्रमात आळणी परिसरातील विद्यार्थ्यांनी व नागरिकांनी मोठ्या संख्येने सहभागी होऊन स्पर्धेला उत्स्फूर्त प्रतिसाद द्यावा, असे आवाहन श्री. उमाकांत शंकर फुगारे (साळुंके), श्री. योगेश उमाकांत फुगारे (साळुंके), फुगारे परिवार व आळणी ग्रामस्थांच्या वतीने करण्यात आले आहे.
अधिक माहितीसाठी संपर्क : ८१७७९८८४०० / ९४०५६६०६०३