प्रशांत शशिकांत मतें
मुंबई : महाराष्ट्र विधानपरिषदेवर विधानसभा सदस्यांद्वारे झालेल्या द्विवार्षिक निवडणुकीत बिनविरोध निवडून आलेल्या नऊ सदस्यांसह पोटनिवडणुकीत विजयी झालेल्या एका सदस्याचा शपथविधी समारंभ गुरुवार, १४ मे २०२६ रोजी सकाळी ११ वाजता विधान भवन, मुंबई येथील मध्यवर्ती सभागृहात पार पडणार आहे.
महाराष्ट्र विधानपरिषदेचे सभापती राम शिंदे हे नवनिर्वाचित दहा सदस्यांना सदस्यत्वाची शपथ देणार आहेत.
शपथ घेणाऱ्या सदस्यांमध्ये —
- नीलम गोऱ्हे
- बच्चू कडू
- अंबादास दानवे
- प्रज्ञा सातव
- प्रमोद जठार
- झीशान सिध्दीकी
- माधवी नाईक
- सुनिल कर्जतकर
- विवेक कोल्हे
- संजय भेंडे
यांचा समावेश आहे.
या शपथविधी सोहळ्यास विधानसभेचे अध्यक्ष राहुल नार्वेकर, मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि सुनेत्रा पवार, विधानसभेचे उपाध्यक्ष अण्णा बनसोडे तसेच संसदीय कार्यमंत्री चंद्रकांत पाटील यांची प्रमुख उपस्थिती राहणार आहे.
