सोलापूर (प्रतिनिधी) : विजापूर रोडवरील पनाश अपार्टमेंटमध्ये राहणाऱ्या स्थानिक उद्योजकाने 17 व्या मजल्यावरून उडी मारत आत्महत्या केल्याची धक्कादायक घटना गुरुवारी दुपारी चारच्या सुमारास घडली.

सुनील सदारंगांनी (वय ५९) असे मृत उद्योजकाचे नाव आहे. ते पनाश अपार्टमेंटमध्ये वास्तव्यास होते. गुरुवारी दुपारी त्यांनी हात जोडून आपल्या मजल्यावरून खाली उडी मारली. या घटनेत त्यांचा जागीच मृत्यू झाला. घटनेनंतर परिसरात मोठी गर्दी जमली होती.

विजापूर नाका पोलीस ठाण्यात घटनेची नोंद करण्यात आली असून पुढील तपास सुरू आहे.

सदारंगांनी हे होटगी रोडवरील ‘मुलतानी बेकरी’चे मालक होते. ‘मुलतानी ब्रेड’ हा ब्रँड एकेकाळी शहरात लोकप्रिय होता. मात्र काही वर्षांपूर्वी बेकरी बंद पडल्याने त्यांच्यावर आर्थिक व वैयक्तिक ताण वाढल्याचे सांगण्यात येत आहे. गेल्या काही दिवसांपासून ते तणावाखाली असल्याची माहिती जवळच्या व्यक्तींनी दिली.
या घटनेमुळे व्यापारी व व्यावसायिक वर्तुळात हळहळ व्यक्त होत आहे.