धाराशिव – विश्व प्रशांत न्यूज

राज्याचे परिवहन मंत्री तथा धाराशिव जिल्ह्याचे पालकमंत्री प्रतापराव सरनाईक हे 3 फेब्रुवारी ते 5 फेब्रुवारी दरम्यान धाराशिव जिल्हा दौऱ्यावर येणार आहेत, उपमुख्यमंत्री एकनाथ शिंदे यांच्या प्रचार सभेसह सरनाईक हे जिल्हा परिषद मतदार संघात प्रचार सभा घेणार आहेत. त्यांच्या सभाची जय्यत तयारी करण्यात आली आहे.

3 फेब्रुवारी रोजी पालकमंत्री दुपारी 4.15 वाजता लोहारा तालुक्यातील जेवळी येथे जातील व उपमुख्यमंत्री यांच्या सभा स्थळाची पाहणी करतील. त्यानंतर 7.30 वाजता ढोकी येथे तर रात्री 8.15 वाजता पळसप येथे अजित लाकाळ यांच्यासाठी प्रचार सभा घेतील. 4 फेब्रुवारी रोजी दुपारी 12 वाजता उपमुख्यमंत्री एकनाथ शिंदे यांच्या प्रचार सभेला उपस्थितीत राहून सायंकाळी 6 वाजता मोहा येथे प्रचार सभा घेतील व त्यानंतर 7.30 वाजता मस्सा येथे सभा घेतील. 5 फेब्रुवारी रोजी 10.30 वाजता सोलापूरहुन तुळजापूरला येतील व बैठका घेतील.