प्रशांत शशिकांत मतेंजि.प – ४ आणि पं.स – १ नामनिर्देशन पत्र दाखल
धाराशिव – जिल्हा परिषद व त्याअंतर्गत पंचायत समितींच्या सार्वत्रिक निवडणुकीचा कार्यक्रम राज्य निवडणूक आयोग, महाराष्ट्र राज्य निवडणूक आयोगाने १३ जानेवारी २०२६ रोजी घोषीत केला आहे.सदर निवडणूक कार्यक्रमाची अधिसूचना विहित केल्यानुसार शासन राजपत्र तसेच स्थानिक वृत्तपत्रांमध्ये प्रसिद्ध करण्यात आली आहे. जिल्हाधिकारी कार्यालय धाराशिव, मुख्य कार्यकारी अधिकारी कार्यालय,जिल्हा परिषद धाराशिव,सर्व उपविभागीय अधिकारी कार्यालये,तहसील कार्यालये तसेच गटविकास अधिकारी कार्यालयांच्या नोटीस बोर्डवरही ही अधिसूचना प्रसिद्ध करण्यात आली आहे.
या सार्वत्रिक निवडणुकीसाठी पंचायत समितीनिहाय निवडणूक निर्णय अधिकारी यांची कार्यालये स्थापन करण्यात आली आहे.आज १७ जानेवारी २०२६ रोजी एकूण ५१७ व्यक्तींना १०९३ कोरे नामनिर्देशनपत्रे उपलब्ध करून देण्यात आली आहेत.त्यापैकी जिल्हा परिषद निवडणूक विभागासाठी गट – ४,तर पंचायत समिती निवडणुकीसाठी गट– १ असे एकूण ५ नामनिर्देशनपत्रे आज रोजी दाखल झाली असल्याची माहिती देण्यात आली आहे.
