गाणगापूर (प्रतिनिधी) – श्रीक्षेत्र गाणगापूर येथे सालाबादप्रमाणे दत्त जयंती उत्सवाच्या दुसऱ्या दिवशी आयोजित करण्यात आलेला दत्तगुरु महाराजांचा रथोत्सव आज सायंकाळी 5 वाजता मोठ्या उत्साहात संपन्न झाला. हजारो दत्तभक्तांनी उपस्थित राहून रथोत्सवाची शोभा वाढवली.

रथोत्सवाची मिरवणूक निर्गुण पादुका मंदिर येथून सुरू होऊन श्री दत्त मंदिरातून पुढे हनुमान मंदिरापर्यंत गेली. पारंपरिक व भक्तिमय वातावरणात रथ मिरवणूक सायंकाळी 6.30 वाजता पुनः श्री दत्त मंदिरात परतली.

या प्रसंगी समस्त ब्रह्मवृंद, ग्रामस्थ व मोठ्या संख्येने उपस्थित दत्तभक्तांनी दर्शन घेतले. भाविकांनी राहुल दत्तगुरु महाराजांचे कृपाशिर्वाद लाभले आणि परिसर भक्तिरसाने भरून गेला.