तुळजापूर दि. २३ (प्रतिनिधी )छत्रपती संभाजीनगर विभागाचे विभागीय आयुक्त जी. श्रीकांत यांनी श्री तुळजाभवानी देवीजींचे दर्शन घेऊन विधिवत आरती केली. त्यांच्या अध्यक्षतेखाली तुळजापूर येथे जिल्हास्तरीय विविध विभागांची आढावा बैठक आयोजित करण्यात आली होती. या बैठकीसाठी ते तुळजापूर येथे आले होते.

दर्शनानंतर विभागीय आयुक्त जी. श्रीकांत यांनी श्री तुळजाभवानी मंदिर परिसरात सुरू असलेल्या विविध विकासकामांची पाहणी केली. विकासकामांची सद्यस्थिती, प्रगती आणि नियोजनाबाबत माहिती जाणून घेतली.

यावेळी श्री तुळजाभवानी मंदिर संस्थानच्या वतीने मा. विभागीय आयुक्त जी. श्रीकांत यांचा सत्कार करण्यात आला. मा. जिल्हाधिकारी तथा अध्यक्ष, श्री तुळजाभवानी मंदिर संस्थान, कीर्ती किरण पुजार यांच्या हस्ते त्यांना कवड्याची माळ व श्री तुळजाभवानी देवीजींची प्रतिमा देऊन सन्मानित करण्यात आले.

यावेळी तहसीलदार तथा विश्वस्त, श्री तुळजाभवानी मंदिर संस्थान, अरविंद बोळंगे यांच्यासह अधिकारी व कर्मचारी उपस्थित होते.