धाराशिव (प्रतिनिधी) – यंदाच्या गणेशोत्सवासाठी मंडप उभारणीसाठी परवानगी घेण्याची प्रक्रिया पूर्णपणे ऑनलाईन करण्यात आली असून, मंडळांनी ही परवानगी घेण्यासाठी ठराविक पद्धत अवलंबावी असे आवाहन पोलीस प्रशासनाने केले आहे.

जाहीर करण्यात आलेल्या कार्यपद्धतीनुसार, मंडळांनी खालीलप्रमाणे ऑनलाईन अर्ज करणे आवश्यक आहे:

🔹 स्टेप-बाय-स्टेप प्रक्रिया
१. www.google.com वर जाऊन Mhpolice.maharashtra.gov.in या संकेतस्थळाला भेट द्यावी.
२. या संकेतस्थळावरून https://citizen.mahapolice.gov.in/Citizen/MH/index.aspx हा लिंक उघडावा.
३. त्यानंतर Ganesh Festival Permission या पर्यायावर क्लिक करून अर्ज भरायचा आहे.
४. अर्जासाठी User ID आणि Password वापरून Citizen Login करावा.
५. यापूर्वी लॉगिन नसल्यास Create Citizen Login या पर्यायाद्वारे रजिस्ट्रेशन करावे.
६. लॉगिन झाल्यानंतर Ganesh Festival Permission Application हा पर्याय निवडून सविस्तर माहिती भरावी.

🔸 अर्जामध्ये द्यावयाची माहिती

मंडळाचे नाव व पत्ता

मंडप उभारणीचे ठिकाण

जबाबदार व्यक्तीचे तपशील

मंडपाचा नकाशा

महापालिका/नगरपरिषद/ग्रामपंचायत यांची परवानगी

शासकीय व अन्य विभागांची आवश्यक परवानगी

अर्ज ऑनलाइन भरल्यानंतर संबंधित पोलीस ठाण्याच्या अधिकार्‍यांकडे तो सादर झाला म्हणून पोलीस स्टेशनमार्फत तपासणी करून मंडळास परवानगी देण्यात येईल.