धाराशिव – जिल्ह्यातील विविध महामंडळांच्या योजनांचा लाभ मिळावा यासाठी सर्व महामंडळांच्या अधिकाऱ्यांची विस्तृत बैठक सोमवार (ता. 10) रोजी जिल्हाधिकारी कार्यालयात आयोजित करण्यात आली आहे. आमदार कैलास पाटील यांच्या मागणीनुसार ही बैठक होत असून, यात जिल्ह्यातील सर्व महामंडळांचे मुख्य अधिकारी तसेच बँकांचे वरिष्ठ अधिकारी उपस्थित राहणार आहेत.

महामंडळांच्या विविध योजनांचा लाभ घेताना काही तांत्रिक अडचणी येत असल्याने अनेक नागरिकांना लाभ मिळण्यात अडथळे निर्माण होत आहेत. या पार्श्वभूमीवर, अशा अडचणींना सामोरे जाणाऱ्या नागरिकांनी या बैठकीला उपस्थित राहावे, असे आवाहन आमदार कैलास पाटील यांनी केले आहे.

ही बैठक सोमवार दि. 10 रोजी दुपारी 4 वाजता जिल्हाधिकारी कार्यालयात होणार असून, लाभार्थ्यांनी आवश्यक कागदपत्रांसह उपस्थित राहण्याचे आवाहन करण्यात आले आहे.