पवित्र कार्तिकी वारीनिमित्त संतश्रेष्ठ गोरोबा काका यांच्या वास्तव्याने पावन झालेल्या भूमीतून काकांच्या पायी दिंडीचे मोठ्या भक्तिभावाने पंढरीकडे प्रस्थान झाले.

टाळ-मृदंगाचा गजर, मुखी विठ्ठलनाम आणि पांडुरंगाच्या दर्शनाची ओढ…अशा भक्तिमय वातावरणाने संपूर्ण परिसर विठ्ठलमय झाला.

संत गोरोबा काका हे महाराष्ट्राच्या संत परंपरेतील ज्येष्ठ संत. संत ज्ञानेश्वरादी संतांच्या मांदियाळीत त्यांचे स्थान अत्यंत आदरणीय आहे. वारकरी संप्रदायाच्या भक्तीपरंपरेतील काकांचे योगदानही अजरामर आहे.

तेरची ही दिंडी म्हणजे केवळ पंढरपूरकडे जाणारी वारी नाही; तर शेकडो वर्षांपासून जपलेला भक्तीचा, समतेचा आणि विठ्ठलनामाचा अनमोल वारसा आहे.

या दिंडीच्या माध्यमातून तेरचे आध्यात्मिक वैभव आणि गोरोबा काकांची भक्तीपरंपरा आजही पुढच्या पिढीपर्यंत पोहोचत आहे.

बोला पुंडलिक वरदे हरी विठ्ठल! श्री ज्ञानदेव तुकाराम!