धाराशिव : होलार समाजाच्या सामाजिक व आर्थिक उन्नतीच्या दृष्टीने महत्त्वपूर्ण पाऊल म्हणून दि. ७ एप्रिल २०२६ रोजी सकाळी ११ वाजता डॉ. बाबासाहेब आंबेडकर सामाजिक न्याय भवन, धाराशिव येथे “होलार समाज आर्थिक विकास महामंडळ उपकंपनी” या फलकाचे अनावरण सोहळा आयोजित करण्यात आला आहे.
या फलकाचे अनावरण अखिल भारतीय होलार समाज संघटनेचे धाराशिव जिल्हाध्यक्ष मा.पंडित कांबळे यांच्या हस्ते होणार आहे. यावेळी मराठवाडा अध्यक्ष साहित्यिक प्रा.वैजनाथ सुरनर, समाजाचे ज्येष्ठ नेते दगडोबा गेजगे, महामंडळाच्या विभागीय व्यवस्थापक श्रीमती संगीता पराते, मराठवाडा सचिव ॲड.शशिराज माने,जिल्हा संपर्क प्रमुख बाबा गुळीग,ॲड.के. बी.जाधव,कवी दीपक केंगार,पंढरी गुळवे,आप्पा आयवळे,रमेश केंगार व अनिल नामदास आदी मान्यवर उपस्थित राहणार आहेत.
या कार्यक्रमास धाराशिव जिल्ह्यातील होलार समाज बांधव, कार्यकर्ते व पदाधिकाऱ्यांनी मोठ्या संख्येने उपस्थित राहावे,असे आवाहन सचिन पारसे, लक्ष्मण कांबळे,विजय ढोबळे,मच्छिंद्र जावीर,रमेश गुळीव,बाळासाहेब कांबळे,राम कांबळे,सचिन गोरवे, किशोर गुळीग, आकाश आयवळे, परमेश्वर गोरवे,संतोष कांबळे, दत्ता हत्तीकर,आनंद हत्तीकर,अरुण जावीर,अमोल कांबळे आणि विनोद पारसे यांनी केले आहे.
हा सोहळा होलार समाजाच्या संघटनात्मक बळकटीसह आर्थिक सक्षमीकरणाच्या दृष्टीने एक महत्त्वाचा टप्पा ठरणार असल्याची भावना समाजबांधवांत व्यक्त होत आहे.