धाराशिव – आंतरराष्ट्रीय कामगार दिनाचे (१ मे) औचित्य साधून, शिवसेना जिल्हाप्रमुख सूरज साळुंके यांच्या पुढाकाराने ढोकी आणि परिसरातील बांधकाम कामगारांसाठी एका विशेष कार्यक्रमाचे आयोजन करण्यात आले. या कार्यक्रमात ५१ बांधकाम कामगारांना संसारोपयोगी साहित्याचे वाटप करून सन्मानित करण्यात आले.

श्री. साळुंके यांच्या हस्ते उपस्थित कामगारांना संसार उपयोगी भांडी व इतर आवश्यक वस्तू, त्यांच्या पाल्यांसाठी शिष्यवृत्ती प्रमाणपत्रे आणि मोफत आरोग्य तपासणी प्रमाणपत्रे प्रदान करण्यात आली. कामगारांच्या योगदानाला सन्मानित करण्याचा आणि त्यांना आवश्यक मदत पुरवण्याचा या कार्यक्रमाचा उद्देश होता.

यावेळी शिवसेना महिला आघाडीच्या तालुकाप्रमुख मायाताई चव्हाण, ढोकी ग्रामपंचायत सदस्या विमल डोलारे, शिवसेनेचे अन्य पदाधिकारी, कार्यकर्ते आणि मोठ्या संख्येने बांधकाम कामगार बंधू-भगिनी उपस्थित होते. या उपक्रमामुळे कामगारांमध्ये समाधानाचे वातावरण होते.