धाराशिव – मुख्यमंत्री देवेंद्र फडणवीस यांच्या २९ मार्च २०२५ रोजीच्या प्रस्तावित दौऱ्यानिमित्त सुरक्षा व्यवस्थेच्या अनुषंगाने धाराशिव जिल्ह्यातील हेलिकॉप्टर लँडिंग परिसर ‘नो फ्लाईंग झोन’ म्हणून जाहीर करण्यात आला आहे.मुख्यमंत्री श्री. फडणवीस यांना Z+ सुरक्षा व्यवस्था आहे.

मुख्यमंत्र्यांच्या दौऱ्यादरम्यान सुरक्षा कारणास्तव हा निर्णय घेण्यात आला आहे.मुख्यमंत्री देवेंद्र फडणवीस यांच्या दौऱ्याच्या दिवशी हेलिकॉप्टर लँडिंग परिसरात कोणत्याही प्रकारचे ड्रोन (Unmanned Aerial Vehicles OR Remotely Piloted Aerial Systems) अथवा अन्य हवेत तरंगणाऱ्या वस्तू उडवण्यास सक्त मनाई करण्यात आली आहे.

भारतीय नागरिक सुरक्षा संहिता २०२३ च्या कलम १६३ अन्वये हा आदेश जारी करण्यात आला आहे.या आदेशाचे उल्लंघन करणाऱ्या व्यक्ती,संस्था किंवा संघटनांविरुद्ध भारतीय न्याय संहिता २०२३ च्या कलम २२३ नुसार कायदेशीर कारवाई करण्यात येईल.सर्व संबंधितांनी आदेशाचे पालन करावे

सुरक्षाविषयक तातडीच्या कार्यवाहीसाठी संबंधितांना नोटीस देण्यास वेळेची मर्यादा असल्याने एकतर्फी आदेश काढण्यात आला आहे.त्यामुळे सर्व नागरिक,संस्था व संघटनांनी या आदेशाचे पालन करावे,असे. अपर जिल्हा दंडाधिकारी शोभा जाधव यांनी कळविले आहे.