प्रशांत शशिकांत मतेंधाराशिव. धाराशिव जिल्ह्यासाठी आणि संपूर्ण महाराष्ट्रासाठी हा अभिमानाचा क्षण आहे.
CGHS कार्यालय, पुणे येथे कार्यरत असलेले श्री. नागनाथ मारुती गाडेकर आणि सौ. देवकन्या नागनाथ गाडेकर यांचे चिरंजीव हरिकेश नागनाथ गाडेकर, रा. गाव सुद, ता. जि. धाराशिव यांनी भारतीय सैन्यदलात लेफ्टनंट पद मिळवून जिल्ह्याचा तसेच समाजाचा नावलौकिक उंचावला आहे.
हरिकेश गाडेकर यांनी भारताच्या अत्यंत प्रतिष्ठित UPSC परीक्षा यशस्वीरित्या उत्तीर्ण होऊन हे घवघवीत यश संपादन केले आहे. त्यांची निवड ऑफिसर्स ट्रेनिंग अकॅडमी, गया येथे झाली आहे.
हे यश केवळ वैयक्तिक नसून, महाराष्ट्रातील त्या मोजक्या तरुणांपैकी एक म्हणून त्याची नोंद झाली आहे, ज्याने अत्यंत कमी वयात सशस्त्र दलात अधिकारी म्हणून कमिशन मिळवले आहे. त्याची मेहनत, जिद्द आणि देशसेवेची प्रबळ इच्छा हीच त्याला या उंचीवर घेऊन गेली.
लेफ्टनंट हरिकेश गाडेकरने हे सिद्ध करून दाखवले की, संकल्प दृढ असेल तर कोणतेही ध्येय अशक्य नाही. त्याच्या कुटुंबासाठी, विशेषतः त्याच्या आई-वडिलांसाठी, आजी-आजोबांसाठी तसेच काका-काकींसाठी हा अत्यंत गौरवाचा आणि भावनिक क्षण आहे. ज्यांनी त्याला नेहमीच ध्येयावर लक्ष केंद्रित करायला शिकवले. त्याला सैन्याच्या गणवेशात पाहणे हे कुटुंबासाठी स्वप्न सत्यात उतरल्यासारखे आहे.
स्थानिक नागरिकांनी आणि समाज बांधवांनीही हरिकेशच्या या कर्तृत्वाबद्दल आनंद व्यक्त केला असून, संरक्षण दलात जाऊ इच्छिणाऱ्या तरुणांसाठी तो प्रेरणास्रोत ठरेल असे म्हटले आहे.
लेफ्टनंट हरिकेश नागनाथ गाडेकर यांचा हा गौरवशाली प्रवास धाराशिवसह संपूर्ण महाराष्ट्रासाठी सलाम करण्याजोगा आहे. त्याचे हे यश केवळ वैयक्तिक विजय नसून, ते समाजाच्या पुढील पिढ्यांना नवी दिशा दाखवणारे ठरेल.
लेफ्टनंट हरिकेश गाडेकर यांचे हार्दिक अभिनंदन! जय हिंद! 🇮🇳
शुभेच्छुक – अशोक मारुती गाडेकर, माजी सैनिक संघटना मित्र परिवार, धाराशिव
